Donqar, əyri və ya iri burnun üzə uyğun düzəldilməsi və nəfəsin açılması.
Rinoplastika, yəni burun estetikası, burnun formasını və lazım olduqda nəfəsalmanı düzəldən əməliyyatdır. Hər burun fərqlidir. Məqsədim üzünüzə yaraşan, təbii görünən və rahat nəfəs alan burundur.
Burun əyriliyi və travmadan sonra qalan deformasiya
İri burun və ya üzə nisbətdə enli burun qanadları
Dikləşmiş və ya sallanmış burun ucu
Arakəsmə əyriliyi səbəbindən çətin nəfəsalma
Hansı üsullar var
Açıq və qapalı rinoplastika: kəsiyin burun dəliklərinin arasından və ya yalnız içəridən aparılması
Septorinoplastika: formanın düzəldilməsi ilə birlikdə əyri arakəsmənin düzəldilməsi və nəfəsin açılması
Etnik rinoplastika: üzün milli cizgilərini qoruyaraq aparılan, dəri qalınlığını və qığırdaq quruluşunu nəzərə alan yanaşma
Burun ucu plastikası: sümüyə toxunmadan yalnız ucun formasının dəyişdirilməsi
Təkrar (reviziya) rinoplastika: əvvəlki əməliyyatdan sonra qalan problemin düzəldilməsi
Əməliyyat necə keçir
Əməliyyat adətən ümumi anesteziya ilə aparılır və bir saat yarımdan üç saata qədər çəkir. Əvvəlcədən üzünüzün fotolarını çəkirəm, hansı dəyişikliyin mümkün olduğunu və hansının sizə yaraşmayacağını birlikdə danışırıq.
Sağalma dövrü
Burun üzərindəki longet təxminən bir həftədən sonra götürülür
Göz ətrafındakı göyərmə və şişkinlik əsasən iki həftə ərzində azalır
İşə adətən iki həftədən sonra qayıtmaq olur
Eynək taxmaq və idman bir neçə həftə məhdudlaşdırılır
Son forma tədricən, bir ilə qədər müddətdə oturur
Yaxşı rinoplastika diqqəti burna yox, bütöv üzə çəkir.