Əməliyyatda istifadə etdiyim cihazlar
Əməliyyatın nəticəsinə cərrahın təcrübəsi ilə yanaşı avadanlıq da təsir edir. Aşağıda əməliyyat zamanı işlətdiyim əsas cihazları və onların sizin üçün nə demək olduğunu sadə dillə izah edirəm.
Əməliyyat mikroskopu
Toxumanı dəfələrlə böyüdür. Mikroskop altında diametri bir-iki millimetr olan damar və sinirləri tikirəm. Qopmuş barmağı yerinə tikmək və toxuma köçürmək belə mümkün olur.
Cərrahi lupa və baş işığı
Gözlüyümə bərkidilən böyüdücü linzalar və alına taxılan işıq. Burun, göz qapağı və üz əməliyyatlarında xırda damarları görməyə kömək edir, ona görə qanaxma az olur, tikiş daha incə alınır.
Vibrasiyalı liposaksiya aparatı
Nazik kanyula saniyədə minlərlə kiçik hərəkət edərək piy toxumasını yumşaq şəkildə ayırır. Bu, piyin daha bərabər çıxarılmasına, ətraf toxumaların az zədələnməsinə və daha rahat sağalmaya kömək edir.
Kölgəsiz əməliyyat lampası
Onlarla LED mənbəyi əməliyyat sahəsini kölgə salmadan və toxumanın təbii rəngini dəyişmədən işıqlandırır. Toxumanın qanla təchizatını rənginə görə düzgün qiymətləndirə bilirəm.
Pasiyent monitoru və anesteziya aparatı
Əməliyyat boyu ürək ritminiz, təzyiqiniz, nəfəsiniz və qandakı oksigen səviyyəsi fasiləsiz ölçülür. Anestezioloq ən kiçik dəyişikliyi dərhal görür və müdaxilə edir.
Endoskopik sistem
Nazik kamera görüntünü ekrana ötürür, mən isə bir-iki santimetrlik kəsikdən işləyirəm. Qaş və alın qaldırma kimi əməliyyatlarda uzun kəsik lazım olmur, çapıq saç arasında qalır.