Bütün əməliyyatlar
Rekonstruktiv cərrahiyyə və yanıq
Yanıq, travma və şişdən sonra dəri köçürmə, flep və mikrocərrahiyyə ilə bərpa.
Rekonstruktiv, yəni bərpaedici cərrahiyyənin məqsədi görünüşü dəyişmək deyil, zədələnmiş və ya itirilmiş forma və funksiyanı qaytarmaqdır. İşlədiyim Plastik və Rekonstruktiv Cərrahiyyə Klinikasının əsas işi də budur.
Hansı hallarda aparılır
- Yanıq cərrahiyyəsi: təzə yanıqların qapanması, köhnə yanıq çapıqlarının və hərəkəti məhdudlaşdıran dartılmaların müalicəsi
- Travma və qəzadan sonra üz, əl və bədən deformasiyalarının düzəldilməsi
- Şiş götürüldükdən sonra qalan qüsurların qapanması
- Dəri törəmələrinin, xalların və ləkələrin cərrahi götürülməsi
- Kobud və ağrılı çapıqların düzəldilməsi
Hansı üsullar var
- Dəri köçürmə: bədənin sağlam yerindən nazik dəri qatı götürülüb yaraya qoyulur
- Flep cərrahiyyəsi: dəri öz damarı ilə birlikdə qonşu nahiyədən çevrilir və ya uzaq nahiyədən köçürülür
- Mikrocərrahiyyə: mikroskop altında çox incə damar və sinirlər tikilir, qopmuş ətraf bərpa olunur
- Toxuma genişləndirmə: dəri altına qoyulan balon tədricən doldurulur və yeni dəri yaranır
Təcrübəmizdən
2026-cı ilin sentyabrında klinikamızın komandası üç yaşlı uşağın ət maşınında ağır yaralanmış əlini səkkiz saatlıq mikrocərrahi əməliyyatla bərpa etdi. Mən də bu komandada idim.
Sığorta
Zəruri rekonstruktiv əməliyyatlar əsasən icbari tibbi sığorta hesabına aparılır. Halınızın sığortaya düşüb-düşmədiyini müraciət edəndə yoxlayırıq.